Bfn watervoorsiening word herstel
- Saamgestel deur Ilde Roos
- Jun 9
- 1 min read
Die watervoorsiening aan verskeie woongebiede in Bloemfontein word herstel nadat inwoners vir 'n paar dae onderbrekings ervaar het.
Nova News berig die onderbrekings is veroorsaak deur aparte voorvalle – vandale het die hoofwaterpyp geteiken, terwyl ’n meganiese fout verdere onderbrekings veroorsaak het. Die Mangaung Metro Munisipaliteit bevestig misdadigers het die hoofpypleiding naby die Grootvlei Korrektiewe Sentrum geteiken, wat tot wateronderbrekings in suidelike dele van die stad gelei het, in gebiede wat deur die Brandkop-reservoir voorsien word.
Die daad van vandalisme op die hoofwatertoevoerpyp het meer as 14 woongebiede in die suidelike deel van die stad geraak.
Die waarnemende woordvoerder van die Mangaung Munisipaliteit, Nicollette Maysiels, sê die herstel van toevoer na reservoirs vorder goed, insluitend in die noordelike dele van die stad.
Comments