Bloemfonteiners sê hulle het vertroue verloor

Saamgestel deur Nadia Pieters
Jul 8
1 min read

Inwoners van Bloemfontein sê hulle het vertroue in regeringsamptenare verloor omdat winkels en haarsalonne wat volgens hulle deur ongedokumenteerde buitelandse burgers bedryf word, steeds sake doen.

SABC News berig inwoners van Bochabela het tydens 'n vergadering die reaksie van die Departement van Binnelandse Sake bespreek en gesê hulle is gereed om teen dié ondernemings op te tree.

Die vergadering volg nadat inwoners op 30 Junie aan 'n optog deelgeneem het as deel van 'n landswye oproep om ongedokumenteerde buitelandse burgers uit Suid-Afrika te verwyder.

Gemeenskapsleier Tankiso Thoabala doen egter 'n beroep op inwoners om die regering nog sewe dae kans te gee om te reageer voordat verdere stappe oorweeg word.

Hy sê die proses moet ordelik verloop sodat die gemeenskap daarna kan besluit wat die volgende stap sal wees.