Boere hersien hul beplanningvir die somerproduksieseisoen weens El Niño

Die moontlikheid van ’n El Niño-weerstelsel laat landbouprodusente reeds hul beplanning vir die komende somerproduksieseisoen hersien.

Nova News berig Vrystaat Landbou se streeksverteenwoordiger in Bethlehem, Hendrik Knobel, sê boere is bewus van die uitdagings wat ’n El Niño-seisoen kan meebring en sal hul bestuurspraktyke daarvolgens begin aanpas.

Een van die belangrikste aanpassings is die moontlike vervroeging van plantdatums. Knobel sê vinniger kultivars van gewasse soos mielies en sojabone kan vroeër geplant word om die risiko van hitte- en vogstremming te verminder.

Intussen berig Daily Maverick dat die Japannese Meteorologiese Agentskap Donderdag aangekondig het dat El Niño amptelik hier is.

El Niño word veroorsaak deur ’n verwarming van die seeoppervlaktemperature in die tropiese Stille Oseaan, en veroorsaak versengende droogtes en brandende temperature.

GRAFIKA: South Carolina Public Radio