BP skuif hul fokus terug na olie en gas

Die Britse energie-reus BP het aangekondig dat dit terugkeer na sy winsgewende olie- en gasbesigheid en sy teikens vir koolstofvermindering laat vaar. News24 berig dit sluit ’n groot afsnyding in beleggings in skoon energie in. BP, wat onder druk van beleggers is om sy aandeelprys te verhoog, het gesê dit herverdeel kapitaal na sy winsgewendste afdelings. BP se uitvoerende hoof, Murray Auchincloss, sê hierdie is ’n hernude BP met ’n fokus op langtermyn-aandeelhouerswaarde. Die maatskappy sny beleggings in skoner energie met meer as $5 miljard per jaar en verhoog olie- en gasbesteding tot sowat $10 miljard. BP het ook aangekondig dat dit bates ter waarde van $20 miljard sal verkoop en het reeds 4 700 poste afgeskaf as deel van kostebesparings