Cele vrygespreek van wangedrag oor halfmiljoen Wêreldbeker-reis

Die voormalige minister van polisie, Bheki Cele, is van enige wangedrag vrygespreek rakende sy reis na Frankryk om die 2023 Rugby Wêreldbeker-finaal by te woon. TimesLIVE berig die reis het die Suid-Afrikaans Polisie Diens (SAPS) byna R500 000 gekos. In 2023 het Cele in die parlement erken dat SAPS die bedrag geld bestee het vir sy assistent se reis, terwyl sy eie uitgawes deur ’n private maatskappy gedek is. Na ’n klag van die DA se Okkie Terblanche het die openbare beskermer, Kholeka Gcaleka  ’n ondersoek ingestel. Gcaleka het bevind dat daar geen bewyse is dat Cele publieke fondse onregmatig gebruik het nie.