ChatGPT is onder loep ná ‘n skietvoorval
- Saamgestel deur Nadia Pieters
- Apr 22
- 1 min read
OpenAI sê sy ChatGPT-tegnologie is nie verantwoordelik vir ’n massa-skietvoorval by die Florida State University waarin twee mense dood is nie.
Dit kom terwyl die maatskappy ’n kriminele ondersoek in die Verenigde State in die gesig staar oor of die kletsbot ’n rol in die voorval gespeel het.
Volgens owerhede het die verdagte glo met die kunsmatige intelligensie-platform gekommunikeer voor die skietery.
Florida se prokureur-generaal, James Uthmeier, sê die ondersoek moet bepaal of die maatskappy enigsins aanspreeklik gehou kan word.
Berigte lui dat die kletsbot glo raad gegee het oor wapens — bewerings wat nou deel vorm van die ondersoek.
Rosestad-nuus het die ChatGPT-kletsbot gevra of dit verantwoordelik gehou kan word vir sulke voorvalle.
Die kletsbot het geantwoord dat dit nie self kan optree of besluite neem nie, en dat dit ontwerp is om gebruikers te help met inligting — nie om skade te veroorsaak nie.
Comments