Die DA lê ‘n klagte teen Sello More

Die DA het formeel dissiplinêre aanklagte gelê teen die Munisipale Bestuurder van die Mangaung Metro Munisipaliteit, Sello More.

Dit volg op bevindings deur die Ouditeur-generaal wat ernstige tekortkominge in finansiële bestuur blootgelê het, insluitend ondersoekte onreëlmatige uitgawes, swak interne beheermaatreëls en ’n gebrek aan gevolgbestuur.

Volgens ’n verklaring deur die DA strek die aanklagte verder as die bevindings in die OG se verslag. Hulle sê dat, ten spyte van hierdie bevindings, aanspreeklikheid nie afgedwing is nie.

Die verklaring lui dat die DA opgetree het omdat dit vir hulle duidelik geword het dat interne toesigstrukture nie verseker dat daar gevolge voortspruit uit die 2024/25-oudituitkomste nie, maar eerder kaders ten alle koste beskerm. Hierdie mislukkings raak inwoners direk deur finansiële verliese, swak bestuur en verswakkende dienslewering.

Sello More. FOTO: Central News