Die groeiende onderwyserstekort kan leergehalte beïnvloed

Die Staatsamptenarevereniging (PSA) het, te midde van 'n groeiende onderwyserstekort, kommer uitgespreek oor die toekoms van Suid-Afrika se onderwysstelsel.

Volgens die PSA kan die land se verergerende onderwyserstekort leergehalte landwyd beïnvloed.

Die vereniging sê oorvol klaskamers en toenemende werklas veroorsaak reeds wydverspreide uitbranding en stres onder onderwysers.

Intussen skat die Departement van Basiese Onderwys dat die land meer as 400 000 opvoeders teen 2030 benodig om 'n volhoubare onderwyser-leerder-verhouding te handhaaf.

Ter illustrasie. FOTO: Wix