Die Kommandowurm-uitbraak in die Vrystaat neem toe

Die Vrystaatse Departement van Landbou sê hulle weet van 70 gevalle in die Xhariep-distrik waar kommandowurms aangemeld is. Nog dertien gevalle is volgens SABC News ook in die Lejweleputswe-distrik aangemeld, asook 11 in Boshoff, een in Deasville en een op ‘n Hertzogville-plaas. Chemikalieë en spuite word aan geaffekteerde boere in Petrusburg en Jacobsdal verskaf en dit sal ook binnekort aan geaffekteerde gebiede in die Mangaung Metro Munisipaliteit verskaf word. Rosestad-nuus het vroeër berig dat vee-eienaars versoek word om diere uit die geaffekteerde weivelde te verwyder sodra die wurms opgespoor is, asook om die staatsveearts of hul plaaslike dieregesondheidstegnikus dringend daarvanin kennis stel.