Die kommunikasieminister ontken dat Tony Leon hom beïnvloed het
- Saamgestel deur Ilde Roos
- Jul 6
- 1 min read
Die minister van kommunikasie en digitale tegnologie, Solly Malatsi, ontken bewerings dat die voormalige DA-leier Tony Leon hom onvanpas beïnvloed het om met verteenwoordigers van die satellietmaatskappy Starlink te vergader.
Die bewerings volg op berigte dat Leon druk op DA-ministers geplaas het om met die maatskappy in gesprek te tree.
Malatsi sê sy ontmoetings met Starlink en ander internasionale satellietmaatskappye het deel van sy amptelike pligte gevorm.
Starlink bedryf tans nie dienste in Suid-Afrika nie omdat die maatskappy nie aan die land se BBBEE-lisensievereistes voldoen nie.
Comments