Die parlementêre komitee wat polisiekorrupsie ondersoek maak huis skoon

Saamgestel deur Nadia Pieters
Jun 4
1 min read

Die parlementêre komitee wat bewerings van polisiekorrupsie ondersoek, vergader na verwagting vanaand om uitstaande sake af te handel.

Die fokus sal val op 'n hoogs geklassifiseerde verslag van die Inspekteur-generaal van Intelligensie, asook korrespondensie van die geskorste minister van Polisie, Senzo Mchunu.

Die komitee moet sy werk teen 12 Junie afhandel.

Die ondersoek volg op bewerings deur die KwaZulu-Natalse polisiekommissaris, luitenant-generaal Nhlanhla Mkhwanazi, dat 'n dwelmkartel die strafregstelsel, politiek en die private veiligheidsbedryf geïnfiltreer het.