Die Vaalrivierstelsel-invloeie neem steeds af

Die Departement van Water en Sanitasie sê waterinvloei na die Vaalrivierstelsel neem steeds af. Volgens Newskoop is een sluis by die Vaaldam Vrydagoggend gesluit aangesien watervlakke tot 113-komma-twee-vyf persent gedaal het. Nog ʼn sluishek sal later dieselfde middag gesluit word, wat vier hekke oop laat. Watervlakke by die Gariep-, Bloemhof-, Grootdraai- en Vanderkloofdam het ook afgeneem, maar het bo 100 persent gebly. Die departement sê die Vanderkloof- en Bloemhofdam loop onbeheerd oor en is tans besig om oor te stort.