FIETSRY: Martin Van Wyk Word Wêreldkampioen in Frankryk

Armando Pieters
Oct 17
1 min read

Martin Van Wyk het goud verower in die Masters Mans 55–59 punte wedren by die UCI Masters Wêreld Baanfietskampioenskappe in Roubaix, Frankryk. Hy het tydens die prysuitdeling sy vlag vasgehou en saam met sy familie gevier – ’n bewys van sy trots om 'n Suid-Afrikaner te wees.

Sy fietsry loopbaan het in 1984 begin toe hy 14 jaar oud was, en ná ’n pouse in sy twintigs, het hy op 33 weer begin kompeteer.

Terwyl ander deelnemers spanondersteuning en vol tuig gehad het, het Van Wyk sy oorwinning behaal met opoffering, harde werk en familiebystand.

Die wen met net een punt, in ’n kragtige en strategiese stryd oor punte, wys dat elke oomblik en elke inspanning saak maak.