Four Paws vra vir ingeligte keuses op Wêreldmelkdag

Saamgestel deur Nadia Pieters
Jun 1
1 min read

Die dierewelsynsorganisasie Four Paws moedig Suid-Afrikaners aan om op Wêreldmelkdag, wat op 1 Junie gevier word, meer te leer oor waar suiwelprodukte vandaan kom en hoe diere in die bedryf behandel word.

Die organisasie sê verbruikers wat suiwelboerderypraktyke beter verstaan, kan meer ingeligte voedselkeuses maak.

Volgens Four Paws South Africa se kommunikasiekoördineerder, Tanya van Tonder, kan selfs klein veranderinge 'n verskil maak. Sy sê mense kan onder meer hul suiwelverbruik verminder of plantgebaseerde alternatiewe oorweeg.

Sy voeg by bewuste verbruikerskeuses kan bydra tot beter dierewelsyn en groter bewustheid oor voedselproduksie.