Intreevlak-slimfoonverkope styg ná die verwydering van luuksebelasting
- Saamgestel deur Nadia Pieters
- Jul 3
- 1 min read
Updated: Jul 6
Die verwydering van die 9% luuksebelasting op intreevlak-slimfone het gelei tot ’n bykomende 1.1 miljoen toestelle wat in Suid-Afrika verkoop word.
Volgens ’n onlangse verslag van die Global System for Mobile Communications Association is die toestelle tussen Maart verlede jaar en Februarie vanjaar verkoop.
Die verslag toon dat gemiddeld ongeveer 100 000 bykomende slimfone elke maand gedurende die verslagtydperk aangekoop is.
Die minister van kommunikasie en digitale tegnologieë, Solly Malatsi, verwelkom die bevindinge van die verslag.
Malatsi sê die beleid het slimfone meer bekostigbaar gemaak en toegang tot werk, aanlyn leer, bankwese en regeringsdienste uitgebrei.
Comments