Jeugdiges is gevonnis ná brandstigting by ‘n skool
- Saamgestel deur Nadia Pieters
- Mar 19
- 1 min read
Drie jeugdiges is tot 12 maande aanhouding in ’n jeugsorgsentrum gevonnis ná hul skuldigbevinding aan brandstigting.
Volgens die Nasionale Vervolgingsgesag het die beskuldigdes skuldig gepleit op die aanklagte.
Die voorval het verlede Februarie plaasgevind toe die groep by ’n laerskool in Mpumalanga ingebreek het met die doel om rekenaars te steel.
Toe hulle nie toegang tot die toerusting kon kry nie, het hulle die administrasiekantoor aan die brand gesteek.
Die brand het vinnig versprei en kantore, meubels en skoolhulpbronne ter waarde van meer as R1 miljoen beskadig.
Woordvoerder Monica Nyuswa sê die hof het die erns van die oortreding in ag geneem met vonnisoplegging.
Comments