KRIEKET: Die Proteas se o/19 vroue span bespreek plek vir T20 Wêreldbeker eindstryd na sprankelsege oor Australië

Suid-Afrika se o/19 vroue span het hul plek bespreek in die T20 Wêreldbeker-eindstryd nadat hulle Australië Vrydagoggend op die Bayuemas Ovaal in Kuala Lumpur met 5 paaltjies kon uitstof. Die Aussies is tot 107 / 8 beperk met Ashleigh van Wyk wat met ’n puik ontleding van 4 / 17 die kolwers in toom gehou het. Die Jong Proteas het daarna die teiken gejaag en dit in die 19^de boulbeurt bereik en sal nou moet wag om te sien wie hul teenstanders in Sondag se eindstryd gaan wees. *Indië en Engeland sê mekaar die stryd aan in die tweede halfeindronde wat om 08:30 (SA Tyd) begin.