KRIEKET: Indië se hoof krieketafrigter en die veldopsigter van Surrey betrokke in ‘n hewige woordestryd voor die laaste toets

Indië se hoofafrigter Gautam Gambhir was betrokke in ’n gespanne woordewisseling met Surrey se hoof van grondpersoneel Lee Fortis. Fortis het Gambhir versoek om verder van die kolfblad af te beweeg tydens ’n inspeksie. Kolfafrigter Sitanshu Kotak het gesê dat veldopsigters soms oorversigtig is maar dat die span gesorg het om geen skade aan die oppervlak aan te rig tydens oefening nie. Die voorval verhoog die spanning voor môre se laaste toets waar Indië ’n oorwinning nodig het om die reeks teen Engeland op 2 - 2 gelykop te maak. Intussen sal Engeland sonder sy inspirende kaptein Ben Stokes moet klaarkom nadat hy steeds las het van 'n skouerbesering terwyl die lenige snelbouler Jofra Archer ook 'n blaaskans gegun word na 'n swaar werklas in die afgelope twee toetse.