Magudumana se prokureurs sê sy is uit Tanzanië ontvoer
- Saamgestel deur Ilde Roos
- May 15
- 1 min read
Nandipha Magudumana se prokureurs sê sy is onwettig uit Tanzanië gedeporteer in plaas van formeel uitgelewer.
Hulle het Donderdag die wettigheid van haar terugkeer na Suid-Afrika in 2023 in die konstitusionele hof betwis. Advokaat Anton Katz het aan die hof gesê die proses kom neer op ‘n vermomde uitlewering en ‘n ondermyning van internasionale reg.
Magudumana appelleer nadat die hoogste hof van appèl haar versoek om die deportasie ongeldig te laat verklaar, van die hand gewys het.
Haar regspan voer aan dat die oordrag uit Tanzanië effektief ‘n ontvoering eerder as ‘n wettige uitleweringsproses was.
Comments