Moody’s twyfel oor Eskom se vermoë fondse uit kapitaalmarkte in te samel

Die graderingsagentskap Moody’s het twyfel uitgespreek oor Eskom se vermoë om oor die volgende drie jaar fondse uit kapitaalmarkte in te samel.

Die agentskap sê die staatsbeheerde kragverskaffer se planne om miljarde rande vir infrastruktuurbelegging te bekom, sal moeilik wees om te bereik.

Moody’s sê Eskom se bedrywighede in terme van skuldinvordering, bestuur en regulatoriese voorwaardes sal moet verander.

Eskom beoog om sy beleggingsgraadstatus te herwin en die afhanklikheid van regeringswaarborge, wat dit vir meer as ‘n dekade onderhou het, te verminder.

Moody’s het die opmerkings gemaak na ‘n periodieke hersiening van Eskom se kredietgraderings.

FOTO: Reuters