‘n Dwaalkoeël eis die lewe van ‘n meisie in die Vrystaat

'n Twaalfjarige meisie is oorlede nadat sy glo deur 'n dwaalkoeël getref is tydens 'n voorval naby Fouriesburg in die Vrystaat.

The Citizen berig 'n bul het tydens 'n byeenkoms uit 'n vragmotor ontsnap en deur die skare gehardloop.

Volgens berigte het mense in paniek gevlug terwyl pogings aangewend is om die dier te keer.

Skote is afgevuur, waarna die meisie glo deur 'n dwaalkoeël getref is terwyl sy in haar familie se voertuig gesit het.

Nooddienste het na die toneel gehaas, maar sy het aan haar beserings beswyk.

Die polisie het bevestig dat 'n persoon wat glo die noodlottige skoot afgevuur het, in hegtenis geneem is. Die ondersoek duur voort.

FOTO: Skermgreep / The Citizen