‘n Vrou met ‘n ‘siek kind’ moet hof toe

Saamgestel deur Nadia Pieters
Apr 5
1 min read

’n Vrou sal na verwagting in die hof moet antwoord op bedrogklagte nadat sy glo geld vir ’n sogenaamde siek kind ingesamel het.

Volgens Netwerk24 staan Janet Spamers tereg op 10 aanklagte van bedrog ná ’n hofverskyning in Hatfield, Pretoria.

Die klagstaat voer aan dat sy mense op sosiale media oortuig het om geld te skenk vir die behandeling van ’n kind met Williams-sindroom — ’n genetiese toestand — maar dat die bewerings vals was.

Tussen Mei en Junie verlede jaar het sowat 10 mense uit die Garsfontein-omgewing na bewering bedrae van tussen R100 en R5 000 oorbetaal, wat saam meer as R11 000 beloop.

Spamers is in Oktober in hegtenis geneem en later op borgtog vrygelaat.

’n Poging tot bemiddeling het misluk, en die ondersoek duur steeds voort, met verdere bewyse wat nog uitstaande is.