‘n Vrystaatse ekskêrel is gevonnis vir moord

Saamgestel deur Jana Roos
Apr 29
1 min read

Die Hooggeregshof in Bloemfontein het Tumelo Mothupi tot 24 jaar gevangenisstraf gevonnis vir die moord op sy 51-jarige eks-meisie.

'n Polisiewoordvoerder, konstabel Maselela Langa, sê in 'n verklaring Mothupi het in Oktober 2024 sy eks-meisie se huis besoek, en haar met ’n mes gesteek en met ’n baksteen geslaan. Hy het haar gelaat om te sterf en van die toneel gevlug, maar is deur ’n familielid opgemerk toe hy die toneel verlaat.

Mothupi is later opgespoor en deur ’n polisie-span in hegtenis geneem, en van moord aangekla. Die beskuldigde is borgtog geweier en het tot sy vonnisoplegging in aanhouding gebly.