'n VS man gee homself oor ná bewerings van verkragting

'n Man van Qwaqwa het homself aan die polisie oorgegee en is aangekla van verkragting en poging tot verkragting. Dit kom ná bewerings dat hy sy stiefdogters van 14 en 18 jaar oud verkrag en probeer verkrag het.

Volgens 'n polisieverklaring was die 18-jarige meisie in 2022 glo by die huis saam met haar stiefpa, wat by haar in die bed geklim en haar verkrag het. Sy wou dit nie vir haar ma vertel nie omdat sy geweet het haar ma sou haar nie glo nie, maar sy het dit wel aan haar voog vertel.

Vroeër vandeesmaand het haar suster, die 14-jarige meisie, beweer dat die stiefpa vir haar geld gegee het, en vir haar ’n kondoom gewys en verduidelik waarvoor dit gebruik word. Daar word verder beweer dat hy probeer het om homself op haar af te dwing, maar sy het daarin geslaag om weg te hardloop.

Die verdagte is uiteindelik ingelig dat die polisie na hom soek en hy het homself oor die naweek aan die polisie oorgegee.

Hy sal na verwagting binnekort in die Tseseng-landdroshof verskyn op aanklagte van verkragting en poging tot verkragting.

Ter illustrasie. FOTO: Grok