'n Wit UV-student sê ander moet ook minderbevoorregte swart studente bystaan

Ilde Roos
Oct 30
1 min read

'n Tweedejaar-BA-student aan die Universiteit van die Vrystaat (UV) het onlangs opslae gemaak het toe sy die enigste wit student was wat aan die betogings teen die universiteit se voorgestelde registrasiebeleid deelgeneem het.

Shanay Heydenrych, wat self deur die Nasionale Finansiële Hulpskema vir Studente (NSFAS) gefinansier word, sê sy verstaan die pyn en frustrasie agter die betogings.

Netwerk24 berig Heydenrych sê dit is veral ontstellend wanneer ander wit studente negatiewe opmerkings maak oor NSFAS-studente of dié wat betoog.

Sy sê wit, bevoorregte studente kan meer doen om swart studente wat minderbevoorreg is, by te staan. Heydenrych sê sy hoop haar deelname aan die protes inspireer mense – veral haar wit eweknieë – om oor hul voorregte en verantwoordelikhede te dink.

Volgens Heydenrych gaan haar optrede nie oor politiek nie, maar oor menslikheid.