RUGBY: Lynne Cantwell word vereer in die Wêreldrugby-heldesaal

Die Suid-Afrikaanse Rugbyunie het Lynne Cantwell gelukgewens met haar komende inlywing in die Wêreldrugby-heldesaal.

Cantwell het die meeste verskynings vir Ierland gemaak en het gehelp om haar land te inspireer tot hul eerste Sesnasies-titel, asook ‘n historiese oorwinning oor Nieu-Seeland in 2014.

Sy het later SA Rugby se hoëprestasiebestuurder geword voordat sy haar huidige rol as Hoof van Vrouestrategie by die Ierse Rugbyunie aanvaar het.

Sy sal op die vooraand van die Vrouerugby-Wêreldbeker-eindstryd op 26 September saam met Engeland se Rochelle “Rocky” Clark ingelyf word.