SA se heuningbybevolkings is onder druk

Suid-Afrikaanse navorsers en byeboere waarsku dat dalende voedselbronne groot druk op die land se heuningbybevolkings plaas.

Kenners sê heuningproduksie in Suid-Afrika het die afgelope 40 jaar met sowat 70% gedaal ondanks ’n toename in bestuurde byekolonies.

Volgens navorsers dui dit op ’n ernstige afname in beskikbare voedsel vir bye.

Die situasie dwing byeboere glo om duur aanvullende voeding te gebruik om kolonies aan die lewe te hou.

Kenners waarsku dat dit uiteindelik kommersiële bestuiwing en die landbousektor kan bedreig.

Daar word nou gevra vir ’n nasionale strategie om bye en voedselbronne beter te beskerm.

Ter illustrasie. FOTO: Wix