Staatsamptenare kry ‘n verhoging

Die minister vir staatsdiens en administrasie, Mzamo Buthelezi, het ‘n lewenskoste-salarisverhoging van vier persent vir staatsamptenare vir die 2026/2027-boekjaar goedgekeur.

Hierdie aanpassing, wat vanaf 1 April van krag is, is van toepassing op werknemers op salarisvlakke een tot 12 en diegene wat deur Beroepspesifieke Dispensasies gedek word. Senior bestuurders en sektorale personeel soos polisie, opvoeders, verdediging en korrektiewe dienste word uitgesluit aangesien hulle afsonderlike prosesse volg.

Die minister het herhaal dat die salarisaanpassing ‘n bewys is van die regering se onwrikbare toewyding aan die stabiliteit van die Staatsdiens en die heiligheid van kollektiewe bedinging.

Ter illustrasie. FOTO: CNB Africa