Suid-Afrikaners in die buiteland kan steeds belastingverpligtinge hê

Suid-Afrikaners wat in die buiteland woon, is gewaarsku dat hulle steeds belastingverpligtinge teenoor die Suid-Afrikaanse Inkomstediens mag hê, selfs al is hulle al jare oorsee.

Tax Consulting SA sê die ontvangs van ‘n outomatiese aanslag beteken nie dat ‘n ekspat vrygestel is van die indiening van ‘n belastingopgawe nie.

Die groep sê belastingaanspreeklikheid hang af van faktore soos verblyfstatus, buitelandse inkomste en bates, en of belastingverblyf formeel beëindig is.

Ekspatriate wat steeds Suid-Afrikaanse belastinginwoners bly, moet moontlik steeds wêreldwye inkomste, buitelandse beleggings, buitelandse bankrekeninge en ander internasionale finansiële belange verklaar.

Ter illustrasie. FOTO: Sowetan