Swaar reën lei tot wateronderbrekings in dele van Bloemfontein
- Saamgestel deur Nadia Pieters
- May 2
- 1 min read
Watervoorsiening in verskeie noordelike dele van Bloemfontein kan onderbreek word ná die swaar reënval.
Die Mangaung Metro Munisipaliteit sê groot volumes water en rommel het die waterstelsel beïnvloed, wat probleme by die Maselspoort-waterbehandelingsaanleg veroorsaak het.
Volgens ’n kennisgewing is bedrywighede by die aanleg tydelik opgeskort om skade en watergehalte-probleme te voorkom.
Die munisipaliteit waarsku dat gebiede soos Bayswater, Heuwelsig, Dan Pienaar, die middestad en die Northridge-omgewing geraak kan word.
Inwoners word aangeraai om water spaarsamig te gebruik terwyl die situasie gemonitor word.
Comments