Vlugrederye mag nie kaartjies verkoop wat nie bestaan nie

Die Nasionale Verbruikerskommissie (NVK) het gewaarsku dat dit onwettig is vir lugrederye om vlugkaartjies te verkoop waarvoor daar nie spasie is nie. Volgens die Verbruikersbeskermingswet (VBW) is oorbespreking en oorverkope verbode. The Citizen berig waarnemende NVK-kommissaris Hardin Ratshisusu het bevestig dat die wet betaling vir nie-bestaande dienste verbied. Die NVK het 'n ondersoek na FlySafair begin en sal verbruikers se klagtes oorweeg. FlySafair sê oorbespreking is 'n algemene praktyk om vlugpryse laag te hou en dat nie alle passasiers opdaag nie. Volgens die lugredery sou 'n verbod op oorbespreking tot hoër tariewe lei. Die ondersoek sal na verwagting in die tweede kwartaal van 2025/26 voltooi wees.