VSA en Iran bereik ‘n vredesooreenkoms

Die Verenigde State en Iran sê hulle het 'n vredesooreenkoms bereik wat 'n onmiddellike einde aan militêre operasies tussen die twee lande moet bring.

Volgens Maroela Media is die ooreenkoms Sondag deur beide Washington en Teheran bevestig nadat Pakistan as bemiddelaar opgetree het.

Amerikaanse president Donald Trump sê die Straat van Hormoes sal weer ten volle vir internasionale skeepsverkeer oopgestel word, terwyl die Amerikaanse vlootblokkade opgehef sal word.

Volgens Iran se adjunkminister van buitelandse sake bring die ooreenkoms 'n onmiddellike einde aan die oorlog en dat verdere gesprekke oor 'n omvattende skikking in die komende maande sal volg.

'n Amptelike ondertekeningseremonie word na verwagting later die week in Switserland gehou.

Donald Trump. FOTO: BBC