Die Booysens-landdroshof in Gauteng heropen weer ná ‘n skietvoorval. Twee mense is Dinsdagmiddag op die trappe van die hof dood en drie gewond. Die slagoffers sluit ‘n man in wat op borgtog uit was in ‘n moordsaak, sy prokureur en familielede. Volgens owerhede kon hulle die verdagtes deur middel van kringtelevisie-kameras identifiseer. Die adjunkminister van Justisie, Andries Nel, het aan die media gesê dat dit te vroeg is om te sê of dit ‘n wraakaanval is. FOTO: The Citizen