Die drukgroep Gatekeepers South Africa vra dat die land se wettige drinkouderdom van 18 tot tussen 21 en 23 jaar verhoog word. Dié niewinsgewende organisasie het verlede maand aan president Cyril Ramaphosa geskryf om hul kommer oor alkoholmisbruik uit te spreek. Hulle beweer dat alkoholmisbruik tot verslawing aan ander stowwe lei, geslagsgebaseerde geweld en vrouemoord aanvuur, en tot noodlottige padongelukke lei. Die groep stel ook voor dat alkoholadvertensies in openbare ru