ANC-kandidate betwis hul uitsluiting uit die Mangaung-verkiesing
1 hour ago
1 min read
ANC-kandidate vir proporsionele verteenwoordiging in die Mangaung-metro het aansoek gedoen om by ’n saak in die Konstitusionele Hof aan te sluit.
Die 49 kandidate se besonderhede en dokumente is volgens die ANC voor die sperdatum op 28 Augustus op die Verkiesingskommissie se stelsel gelaai, maar die finale indiening is nie betyds voltooi nie.
Die Verkiesingshof het die ANC se uitdaging van die hand gewys. Die hof het bevind dat die finale indieningsproses deel van die voorgeskrewe proses was.
Die ANC het nou die Konstitusionele Hof gevra om die saak dringend op 7 Oktober aan te hoor, voor die plaaslike regeringsverkiesings op 4 November.
Comments