Slagoffers van geslagsgebaseerde geweld ken dikwels die oortreder

Die Mangaung Metro Munisipaliteit se uitvoerende burgemeester, Gregory Nthatisi, sê mense wat hulle aan geslagsgebaseerde geweld en vrouemoord skuldig maak, is dikwels mense wat slagoffers ken en vertrou.

Hy het tydens ’n geleentheid by die Waaihoek Wesleyan-sendingkerk gesê gemeenskappe moet saamstaan teen geslagsgebaseerde geweld en veral mans moet hul stem laat hoor.

Nthatisi het ook ’n persoonlike ervaring gedeel en vertel dat hy in ’n huis grootgeword het waar mishandeling voorgekom het. Hy sê hy het eers later in sy lewe besef dat sy pa sy ma mishandel het.

Hy het ’n beroep op gemeenskappe gedoen om nie oor mishandeling stil te bly nie en om oortreders tot verantwoording te roep.

Gregory Nthatisi. FOTO: Facebook