ATLETIEK: Comrades-marathon treur oor skielike dood van matriarg
- Armando Pieters
- Oct 8
- 1 min read
Die Comrades-marathon treur oor die skielike dood van een van sy grootste legendes, Cheryl Winn, wat oor die naweek in die Drakensberg oorlede is terwyl sy op ‘n familievakansie was.
Die Comrades-marathonvereniging het haar dood bevestig, maar die oorsaak is nog onbekend.
Winn het in 1982 die ikoniese wedloop gewen en nooit laer as vyfde geëindig in haar ses deelnames nie.
Sy het later ‘n leidende rol as administrateur vertolk en die CMA beskryf haar as die matriarg van die wedloop.
Comments