Die Mangaung-metro wil Bloemfontein se roostradisie laat herleef

Die Mangaung Metro Munisipaliteit gaan more sy ryk erfenis as die Stad van Rose vier deur 'n amptelike Roosplantdag aan te bied.

Dié inisiatief is daarop gemik om gemeenskapstrots te hernu, plaaslike kultuur en toerisme te bevorder, en die tradisie van rose in die stad te herstel en te versterk.

Luidens 'n kennisgewing van die munisipaliteit sal die geleentheid, buite die stadsaal in Charlesstraat, amptelik deur die uitvoerende burgemeester, Gregory Nthatisi gelei word.

Mense word aangemoedig om rooi aan te trek vir die geleentheid.

Ter illustrasie. FOTO: Unsplash