Die MK-party sê Zuma-Sambudla is nie meer hul LP

Saamgestel deur Ilde Roos
Nov 28, 2025
1 min read

Die uMkhonto weSizwe Party (MK-party) het die onmiddellike uittrede van Duduzile Zuma-Sambudla as 'n lid van die parlement aangekondig.

Dit kom te midde van aantygings dat sy gehelp het om 17 Suid-Afrikaanse mans te werf om in die oorlog tussen Rusland en Oekraïene te veg.

Zuma-Sambudla se suster het 'n strafregtelike saak teen haar aanhangig gemaak, en haar daarvan beskuldig dat sy die mans na gevaar mislei het.

Die MK Party se voorsitter, Nathi Nhleko, sê hulle het geen rol gehad in die werwing van die mans nie, en hulle sal die families ondersteun om die mans veilig terug te besorg.

Zuma-Sambudla ontken die aantygings en sê sy het 'n saak oopgemaak teen die man wat sy sê is verantwoordelik.

Intussen het die DA op hul webtuiste aangedui dat hulle strafregtelike klagtes teen Zuma-Sambudla ingedien het vir onder andere mensehandel, en kontravensie van die Suid-Afrikaanse wet teen huursoldate.