Duisende verdagtes is tydens Paasoperasies in hegtenis geneem
- Saamgestel deur Nadia Pieters
- Apr 7
- 1 min read
Meer as 15 000 verdagtes is landwyd in hegtenis geneem tydens polisie-operasies oor die Paastydperk.
Verskerpte patrollies, padblokkades en misdaadvoorkomingsinisiatiewe het volgens owerhede tot die sukses van die operasies bygedra.
Altesaam 132 onwettige vuurwapens en meer as ’n duisend rondtes ammunisie is ook gekonfiskeer, met KwaZulu-Natal wat die meeste gevalle aangeteken het.
Daarbenewens is honderde onwettige tavernes gesluit, terwyl talle mense in hegtenis geneem is vir die onwettige verkoop van alkohol.
Polisiewoordvoerder, Athlenda Mathe, sê meer as 1 400 dronkbestuurders en sowat 1 800 verdagtes vir dwelmbesit is ook vasgetrek.
Comments