FIETSRY: Joel Stransky neem deel aan fietsrit vir kinders se sig
- Saamgestel deur Armando Pieters
- Nov 21
- 1 min read
Springbokheld Joel Stransky en Arrie Rautenbach sal op 22 November 'n fietsrit van 2-duisend-500 kilometer van Durban na Swakopmund aanpak, onder die vlag van Stransky se niewinsgewende organisasie, LumoHawk Foundation.
Dit alles om geld in te samel vir oogtoetse en brille vir minderbevoorregte kinders.
Volgens Stransky ly ongeveer 15 persent van Suid-Afrikaanse skoolkinders aan sigprobleme, wat dikwels lei tot verkeerde etikettering as swak leerders, en die stigting doen 'n beroep op besighede en private skenkers om te help om dit te verlig.
Die Hope Ride from Sea to See sal dorpe soos Mooirivier, Harrismith, Ficksburg, Kimberley en Upington insluit, met die laaste vierhonderd kilometer, die sogenaamde woestynstrek tussen Windhoek en Swakopmund, op 5 en 6 Desember.
Comments