GHOLF: Tiger Woods gaan hom aansluit by binnenshuise liga

Die 15-malige gholf Majorkampioen, Tiger Woods, gaan hom moontlik by ‘n tegnologies aangedrewe liga aansluit. Daar word verwag dat Woods op 14 Januarie sy buiging gaan maak in die binnenshuise span gholfliga, wat in Palm Beach Gardens, Florida gespeel word. Die binnenshuise baan het ‘n vyf-verdieping hoë Simulator skerm en verstelbare setperke. Die toernooi sal op 7 Januarie 2025 afskop, met Xander Schauffele se New York gholfklub wat teen Wyndham Clark se The Bay gholfklub te staan sal kom.