GIMNASTIEK: Span SA skitter by Streek 5 Gimnastiek Kampioenskappe

Saamgestel deur Armando Pieters
Dec 11, 2025
1 min read

Span Suid-Afrika het 'n sterk begin by die Streek 5 Gimnastiekkampioenskappe in Windhoek, Namibië, met indrukwekkende prestasies in ritmiese, artistieke, trampolien- en tuimelitems.

Good Things Guy berig die voor-junior span met Grace Aufrichtig, Ilana De Jager, Holly Mayer en Vida Gomes het goud verower in die algehele spanitem vir ritmiese gimnastiek. De Jager en Gomes het ook individueel geskitter en eerste en tweede geëindig in die voor-junior algehele kompetisie.

Die elite ritmiese groep het gevolg met nog 'n goud, danksy uitstaande prestasies van Chrissy George, Faith Roodt, Misa van Niekerk, Nomthandazo Madela en Skyler Herbst.

Gimnastiek Suid-Afrika sê die toernooi is 'n belangrike platform vir jong atlete om internasionale ervaring op te doen - en Span SA se vroeë resultate wys dat hulle die meeste daarvan maak.