KRIEKET: ‘n Derde SA20 wedstryd weens reën afgelas

‘n Derde wedstryd in vanjaar se SA20 toernooi is weens reën afgelas. Die Durban Super Giants en MI Cape Town het Dinsdag die stryd aangesê op Kingsmead-stadion, maar die wedstryd het slegs 11 boulbeurte geduur voor die reën toegesak het. Geen spel was verder moontlik gewees nie en die twee spanne moes punte deel. Dit is die tweede wedstryd in vanjaar se reeks wat in Durban uitreën, terwyl die ander in Johannesburg uitgereën het. Die reeks hervat weer vanaand in Gqeberha, met die Sunrisers Eastern Cape wat teen die Pretoria Capitals te staan kom van half-ses vanaand.