RUGBY: Blitsbok Zain Davids bereik volgende naweek ‘n groot mylpaal in Perth

Die Blitsbok Zain Davids gaan volgende naweek by die Sewes-toernooi in Perth ‘n merkwaardige mylpaal bereik. Die 27-jarige is deel van die groep wat na Doer Onder  sal reis waar hy in sy 50^ste  Sewes-toernooi gaan speel. Die Blitsbok afrigter Philip Snyman het Donderdag sy groep aangekondig en het drie veranderinge aangebring. Ryan Oosthuizen, Ronald Brown en Selvyn Davids is terug in die groep en vervang vir Mfundo Ndhlovu, Shaun Williams en Tristan Leyds.