RUGBY: Die Springbok-afrigter, Rassie Erasmus, sê sy span is gemotiveerd om hul lang oorwinninglose reeks by Eden Park te beëindig

Die Springbok-afrigter, Rassie Erasmus, sê sy span is gemotiveerd om hul lang oorwinninglose reeks by Eden Park te beëindig, waar die All Blacks sedert 1994 nie verloor het nie. Erasmus het erken dat beide spanne Saterdag ewe desperaat sal wees, terwyl hy ook inspirasie put uit die Springbok-vroue se historiese Rugbywêreldbeker-kwalifikasie. Hy het bevestig dat die Bokke hul span-aankondiging tot Donderdag sal uitstel om Nieu-Seeland aan die raai te hou. Erasmus het ook verduidelik dat Faf de Klerk as voorsorgmaatreël vir Morne van den Berg opgeroep is. Intussen het Johan Ackermann Maandag as die nuwe afrigter van die Blou Bulle se Curriebekerspan begin. Die Bulle het vier nederlae op ‘n streep gely ná ‘n sterk begin, en mis die halfeindronde van die Curriebeker vir die eerste keer in vyf jaar.