RUGBY: Federasie verbied spelers om alkohol tydens spanbyeenkomste te nuttig

Die Franse Rugby Federasie het ‘n nuwe reël bekend gemaak vir rugbyspelers. Volgens die Federasie sal spelers verbied word om alkohol te gebruik tydens nasionale span byeenkomste, met voorstelle om dwelm-en alkohol toetse in te stel. Dit is ‘n poging om dissipline te verbeter na ‘n reeks omstrede voorvalle vanjaar. Die heelagter Melvyn Jaminet is vir 34 weke geskors oor ‘n rassistiese plasing op sosiale media terwyl twee spelers in hegtenis geneem is tydens Frankryk se toer in Argentinië vir beweerde seksuele aanranding.