RUGBY: Hollie Davidson gaan in November weer geskiedenis maak

Die Skotse skeidsregter Hollie Davidson gaan in November weer geskiedenis maak wanneer sy die eerste vrou word om ’n All Blacks-toets te blaas.

Davidson sal die wedstryd tussen Nieu-Seeland en Wallis in Cardiff hanteer — ’n reuse prestasie wat wêreldwyd opslae maak.

Die 32-jarige is onlangs deur Wêreldrugby aangewys as Skeidsregter van die Jaar, ’n erkenning vir haar konsekwente uitmuntendheid en professionele hantering van topwedstryde.

Rugbyondersteuners sien met groot afwagting uit na hierdie historiese oomblik in Cardiff, waar Davidson se fluitjie weer ’n nuwe hoofstuk vir vroue in internasionale rugby gaan inlui.

Holly Davidson. FOTO: Six Nations Rugby