RUGBY: Rugby- en wynlegende Jan Boland Coetzee is in die ouderdom van 80 oorlede

Die oud-Springbok en wynmaker, Jan Boland Coetzee, is Vrydag op 80-jarige ouderdom in sy huis op Stellenbosch oorlede, ná ‘n kort siekbed.

Hy het ses toetse vir die Springbokke gespeel en meer as 120 wedstryde vir die Westelike Provinsie.

Ná sy rugbyloopbaan het hy hom gevestig as ‘n pionier in die wynbedryf.

SA Rugby se president, Mark Alexander, het hulde gebring en gesê Coetzee laat ‘n nalatenskap van nederigheid, welwillendheid en uitnemendheid agter.