RUGBY: Wêreldrugby het vyf nuwelinge in heldesaal opgeneem

Wêreldrugby het vyf nuwelinge in hulle heldesaal. Die voormalige kaptein van Italië Sergio Parisse maak geskiedenis deur die eerste speler van dIè land om ‘n plek te werf. Die 41-jarige het vir twee dekades toets rugby gespeel waar hy 142 keer vir Italië uitgedraf het, vyf Wêreldbeker-toernooie gespeel het en twee keer die Franse Top 14-titel met Stade Francais gewen het. Die voormalige All Black-skrumskakel Chris Laidlaw, die Nieu-Seelandse sewes speler DJ Forbes, Australië se goue medalje wenner Emilee Barton en Skotland se Donna Kennedy is ook in die heldesaal verwelkom.